شەفەق نیوز/ سەرچەوەیگ ئەمنی لە میسان، ئمڕوو دووشەممە، خەوەردا لە توومارکردن دوو پسای خوەیکوشتن لە باشوور پارێزگاگە، و دادگای تاوانەیل پارێزگاگە سزای زندانی هەمیشەیی ئەرا  بازرگانیگ مادەی هوشبەر دەرکرد.

سەرچەوەگە وە ئاژانس شەفەق نیوز وت، " پارێزگاگە  دوو خوەیکوشتن لە ری هەڵواسین خوەیان لەناو ماڵ توومارکردنە لە قەزای مجەر کەبیر لە باشوور پارێزگاگە، وە هووکار  پەستانی دەروینی".

سەرچەوەگە وتیش" هێزەیل ئەمنی ئاخڵی شوینەگە دانە تەرمەیلە ئەرا پزیشک داوەری کلکردنە ئەرا تەواوکردن رێکارەیل یاسایی".

لە لاییگتر، ئەنجومەن باڵای  قەزاگە لە بەیانیگ رەسیە ئاژانس شەفەق نیوز وت،  دادگای تاوانەیل میسان سزای زیندانیکردن هەمیشەیی لەبان بازارگانیگ مادەی هوشبەر دەرکردیە  ک وەلایەن یەکیگ لە بازگەیل کۆنترۆڵ ئەمنی لە شار عەمارە گیریایە هەنای روی لە بەغدا کەێد و چوار کیدوگرا مادەی هوشبەر وەپی بویە.

دیاریکرد دادگا هەمیش سزای لە زیندانی هەمیشەیی ئەرا بازرگانیگ مادەی هوشبەر دەرکردیە ک ک دەسنریاس وەن 15کگم لە مادەی هوشبەر ک وەپی بویە هەنای لەوەخت گواستنەوەی هوشبەرەگە ئەرا قەزای سوکەر دەسگیرکریایە.