شەفەق نیوز/ سادق عەتیە پسپۆر کەشناسی، ئمڕوو جومعە، مەزەنەی بەرزترین پلەی گەرمی کرد ئەرا مانگ تەمووز لە عراق لەهەمان وەختیش ئۊشێد یە مانای کۆنترۆڵکردن بارستەیگ گەرمی چامدار نیەێد لە وڵاتەگە. 

عەتیە ئمڕوو لە پۆستیگ لەبان تووڕ کۆمەڵایەتی وت: " پێوەر پلەی گەرمی ئەرا مانگ تەمووز2022 ک نمونەیگ لە مەزەنەی CFS v2 دەرچگە دیاری گەرمی بەرزیگ کەێد ئەرا ئی مانگە ئەرا فرەیگ لە وڵاتەیل خوەرهەڵات ناوراس عراقیش هالە ناویان". 

عەتیە دیاریکرد، نزمترین پلەی گەرمی لە جەزیرەی عەرەبی و سوودان و چەن ناوچەیگ لە باشوور ئیرانە. 

وتیش، بەرزی پلەی گەرمی مانای ئەوە نیەێد بارستەیگ گەرمی شێدار کۆنترۆڵ بکەێد یاتێ وای باکوور خوەرئاوا لەبان گورجی وای وەرزی خوەرهەڵات باشوور نیمچە دورگەیی زاڵ بوود.