شەفەق نیوز/کەشناس واسق سەلامی، ئمڕوو پەنجشەممە، مەزەنەکەێد لە بەرزەوبوین پلەی گەرمی لە هەفتەی ئایندە و دەرفەت واران وارین لە مانگ نیسان ئایندە.
سەلامی لە بەیاننامەیگ رەسیە ئاژانس شەفەق نیوز وت، "بەرزە پەستان لە رووژەیل ئایندە زاڵەو بوود وەبان وڵاەگە و بوودە هووکار ئارامگردن کەشوهەوا".
دیاریکرد "لەماوەی هەفتەی ئایندە پلەی گەرمی بەرزەوبوین وە خوەی دوینێد 30 پلەی سیلیزی رەدکەێد لەناوچەیل باشوور و فورات ناوڕاس و ناوڕاس بیجگە لە شارەیل هەرێم کوردستان، وایگ وە ئاراستە جیاواز سوکیگ بوود".
وتیش "مەزەنەکرێد لەکۆتایی سێ کوت یەکەم مانگ ئایندە دەرفەت واران بوود لە فرەیگ لە ناوچەیل".