شەفەق نیوز ـ واست

فەرماندەیی پۆلیس واست، ئمڕوو پەنجشەممە، خەوەردا لە مردن مناڵیگ وە مدوو زەخمداربوین مەوقەی مەرافە وەگەرد بڕە مناڵیگ لە پارێزگاگە.

فەرماندەیەگە لە بەیاننامەیگ رەسیە ئاژانس شەفەق نیوز وت، رووژ پەنجشەممەی گوزەشتە ( 27 آب 2026)،خەوەر رەسیە لە هیزگردن مەرافیگ ناوەین بڕیگ مناڵ کە تەمنیان ها ناوەین 10 تا 11 ساڵ، لە ئەنجام یەکیگیان تویش لێدان هاتیە لەهووش خوەی چگە، وەرجە ئەوەگ ئەرا چارەسەرکردن کلبکرێد ئەرا خەستەخانە.

وتیش؛ رێکارەیل یاسایی هەر لە سات رویدان رویداوەگە وەارگیریاس کەسوکار ئەو مناڵەیلەی مناڵەیلیان دانەس وەدەس بنکەی پۆلیس، رێکار یاسایی وەرانوەریان وەرگیری و ئەرا دادگا کلکریان کە بڕیار زیندانیکردنیان دەرکرد.

لە بەیاننامەگە ئاشکرایکرد، لە ئیوارەی رووژ چوارشەممە مناڵەگە گیان لەدەسداس، دووپاتکرد وەدویاچگن ئەرا رێکارە یاسایەیل پەیوەنیدار وە رویداوەگە کەێد.