شەفەق نیوز/ ئمڕوو پەنجشەممە ٢٩ تەشرین یەکەم ٢٠٢٠ ، نرخ خەرج دۆلار لە بازاڕەگان بەغداد کەمیگ داوەزیا، و بۆرسەی کوردستان واز نەکرد لەوەر پشۆی لەداڵگبوین پەیغەمبەر.
پەیامنێر ئاژانس شەفەق نیوز وت: بۆڕسەی کیفاح ناوەندی ئمڕوو، ١٢٥١٠٠ دینار عراقی وەرانوەر ١٠٠ دۆلار ئەمریکی تۆمارکرد.
بۆڕسەی حارسیە لە بەغداد ١٢٥١٠٠ دینار وەرانوەر ١٠٠ دۆلار ئەمریکی تۆمارکرد.
دوێەکە شەممە، نرخ خەرج دۆلار لە بۆڕسەی کیفاح رەسیە ١٢٥٢٠٠ دینار وەرانوەر ١٠٠ دۆلار ئەمریکی.
پەیامنێرەگەمان ئاماژەدا ک نرخ فرووشتن و سەنەین لە بازاڕە ناوخۆیەگان لە بەغداد ئارامگرد ک نرخ فرووشتن رەسیە ١٢٥٥٠٠ دینار عراقی، ونرخ سەنین رەسیە ١٢٤٥٠٠ دینار وەرانوەر ١٠٠دۆلار ئەمریکی.