شەفەق نیوز/ کۆمپانیای پیشەسازی فرۆکەوانی کۆریا راگەیان، وە بڕ  136 ملیار وۆن (93.7 ملیۆن دۆلار ئەمریکی) گرێبەست واژوو کردیە ئەرا کلکردن هێلیکۆپتەر فرە وەکارهاوردن کۆری ئەرا  عراق.

وەپای گرێبەستەگە، ئەو کۆمپانیایە تا مانگ ئازار 2029 هەلیکۆپتەر ئەرا حکومەتی عراق دابین کەێد، کۆمپانیاگە لە راپۆرتیگ ، ئمڕوو سێشەممە وەلایەن  ئاژانس یۆنهاپی کۆریای باشوورەوە بڵاویکردیە.

هێلیکۆپتەرە فرە مەبەستەگەی کۆری کە وە سوریۆن نسریاگە، هێلیکۆپتەریگ خزمەتگوزارییە قەبارە مامناوەنە،  لە ساڵ 2012ەو لە سوپای کۆریای باشوور جێگیرکریایە.

ئیرنگە زیاتر لە 200 هەلیکۆپتەر سوریۆن لە سوپای کۆریای باشوور کارکەن و ئۆپەراسیۆن جوراوجویر ئەنجام دەن، لەوانەش ئەرک پەلامارداین ئاسمانی و گواستنەوەی ئاسمانی  کەلوپەل.