شەفەق نیوز/ فیرقەی جەنگاوەره‌یل ئیمام عەلی سەروە حەشد شەعبی، ئمڕوو سێشەممە، ئامادەکردن ووەخاکسپاردن ٧٢ مردگ نوو لە قەورسان وادی سەلام نوو لەنەجەف راگەیان ک تایبەت کریاگە ئەرا وەخاکسپاردن تەرم مردگەیل پەتای کۆرۆنا، لە ماوەی ٢٤ ساعەت گوزەیشتە.
فیرقەگە لە بەیاننامەیگ ك رەسیە ئاژانس شەفەق نیوز وت: مردگە نووەگان بەشەوبوینە له‌ بەغداد پایتەخت و ژمارەیگ لەو پارێزگاگان. ٣٣ مردگ لە بەغداد، ١٤ مردگ لە زیقار، ٦ لە بەسرە، ٦ لە میسان، ٤ لە دیوانیە ، ٣ لە نەجەف ، دوو مردگ لە بابل، دوو مردگ لە موسەنا، ویەک مردگ لە کەربەلا، ویەک مردگ لە پارێزگای دیالە.
بەیاننامەگە هەمیش وت: ژمارەی گشت وەخاکسپار کریاگەیل لە قەورسانەگە تا ئمڕوو رەسیە ٢٩٨٩ مردگ لە گشت پارێزگاگان، و لەناویان چوار مردگ لە ئاین مەسیحی، و یەک مردگ سعودی لە شار ئیحسا.