شه‌فه‌ق نيوز/ ليژنه‌ى خزمه‌تگوزايه‌يل و ئاوه‌دانكردنه‌وه‌ى نوێنه‌رايه‌تى، ئاشكراى داهاته‌يليگ كرد ك وه‌ڕاسى باسيان كرد له ده‌روازه‌يل مه‌رزى و جه‌خت له‌وه‌يش كرد ساڵانه 13 مليۆن دۆلار له داهات ده‌روازه‌يل مه‌رزى ناچێده خه‌زينه‌ى ده‌وڵه‌ت.
له‌ى باوه‌ته‌و، مزر خه‌زعه‌ل زيرجاوى ئه‌ندام ليژنه‌گه ئه‌را ئاژانس شه‌فه‌ق نيوز وت: پرووسه‌ى مه‌زه‌نه‌كردن داهات ده‌روازه‌يل مه‌رزه له‌رێ فرووشتن دراو بيانى دياره‌و وه‌گووره‌ى ئه‌و بنه‌مايشه ساڵانه عراق كاڵا وه زياتر له 15 مليار دۆلار هاورده ئه‌كا، وه‌لى ئه‌و داهاته ناچێده خه‌زينه‌ى ده‌وڵه‌ت.
باس له‌وه‌يش كرد ئه‌و بره داراييه ك ساڵانه ئه‌چێده خه‌زينه‌ى ده‌وڵه‌ته‌وه مه‌زه‌نه وه دو مليار دۆلار ئه‌كريه‌ێد، ك يه‌يش وه‌و مانا 13 مليار دۆلار له داهات ساڵانه‌ى ده‌روازه‌يل مه‌رزى ناچيده خه‌زينه‌ى ده‌وڵه‌ت، به‌ڵكوو ئه‌چێده گيرفان گه‌نده‌ڵكاره‌يل.