ياسرى له به‌ياننامه‌يگ ك(شه‌فه‌ق نيوز)ئاگادارى بوى، وت: ده‌ستوور عراقى ماف خوه‌ينيشانداين ئه‌را خوه‌ينيشانده‌ره‌يل زه‌مانه‌ت كردگه ك له‌ى داواى مافه‌يل خوه‌يان بكه‌ن و ئيسه‌يش قاپى ليژنه‌ى ده‌سپاكى وازه له‌وه‌رده‌م گشت عراقيه‌يل ئه‌را پيشكه‌شكردن داواكاريه‌يليان له‌باوه‌ت مه‌سه‌له‌ى گه‌ناته‌كارى له كار ده‌زگايه‌يل ده‌وڵه‌ت.
جى باسه، ئه‌را ماوه‌يگه خوه‌ينيشانداين مه‌ردمى له پاريزگايه‌يل ناوڕاس و باشوور عراق ده‌س وه‌پيكردگه وه‌خاتر خاسسازيكردن له بار خزمه‌تگوزارى و حاڵ مه‌عيشى مه‌ردم له عراق و هه‌ر وه‌و خاتريشه جوور سه‌ره‌تايگ له‌ڕوى گه‌ناته‌كارى دارايى و ئداريه‌و له‌لايه‌ن حكومه‌ت عباديه‌و ده‌سكريا جواودانه‌وه‌ى داواكاريه‌يل مه‌ردمى.