عه‌قيل زوبێدى ئه‌ندام ليژنه‌ى ناوبرياگ له‌ به‌ياننامه‌يگ ئه‌را(شه‌فه‌ق نيوز)وت: له‌ دانيشتنيگ هاوبه‌ش بريار دامه‌زرانن سێ ليژنه‌ درياگه‌، يه‌كه‌ميان تايبه‌ته‌ وه‌ چه‌وديرى سه‌رپيچيكارى له‌باوه‌ت فرووشتن و تاپووكردن ماڵ و موڵك ده‌وڵه‌ت و دويه‌ميان تايبه‌ته‌ وه‌ مه‌سه‌له‌ى فرووشتن پۆسته‌يل حكومى و سێيه‌ميش تايبه‌ته‌ وه‌ چه‌ودريكردن كار وزاره‌ته‌يل و ده‌رخستن هه‌ر كرده‌وه‌يگ گه‌ناته‌كارى، يه‌يش بيجگه‌ پيشكه‌شكردن ليست وه‌ناو ئه‌وانه‌گ قه‌يه‌غه‌ى گه‌شتكردن له‌ليان كرياگه‌.

زوبێدى هه‌ميش وت: ليژنه‌ى ده‌سپاكى گرينگى فريه‌يگ ئه‌ياده‌ ده‌سه‌و كادره‌يل ئى ليژنه‌يله‌ ك دامه‌زريانه‌ وه‌خاتر ده‌سنيشانكردن كه‌سه‌يل گه‌ناته‌كار ك له‌ساى رينمايه‌يل مه‌رجه‌عيه‌ت و خاسسازيه‌يل حكومه‌ت و داواكاريه‌يل مه‌ردمى ئابڵوقه‌ دريانه‌.