شەفەق نیوز/ لیوای کوردە فەیلیەگان لە حەشد شەعبی لە پارێزگای دیالە، ئمڕوو دووشەممە، ئۆپراسیۆن وەشکین حەشارگەیل و لانەیل داعش لە پارێزگاگە جیوەجی کرد، لەناو ئۆپراسیۆنەیلیگ ئەمنی ک دوێەکە وە بەشداربوین هێزەیل سوپا و ٧ لیوا لە حەشد شەعبی دەس وەپیکرد.
زاهر حەبیب مەندلاوی، فەرماندەی لیوای ١١٠ ی کوردە فەیلیەگان، ئەرا ئاژانس شەفەق نیوز وت: لیواگە ئۆپراسیۆنەیل وەشکین لە ناوچەیل دەورگرد قەزای خانەقین و باکوور ناحیەی جەلەولا جیوەجی کرد، ئەرا نواگردن ئەو پەلامارەیلە ک ئەندامەیل داعش هەر ماوەی جاریگ دژوە ئاویەکان وە کەرتە ئەمنیەکان جیوەجی کەن.
و دیاری کرد ک هێزیگ لە فەوج سێیەم و هەواڵگری و ئۆپراسیۆنەیل لیواگە و بەش ئەمن لە لیوای ١١٠ ، شەوەکی ئمڕوو وەردەوام بوین لە ئارامکردن دەورگرد ئاوای ئیسڵاح لە باکوور ناحیەی جەلەولا.
هەرلیوا، فڕۆکەیل جەنگی زنجیرە گورزەیلیگ لەبان حەشارگەیل داعش لە ئاوایەیل جەلەولا جیوەجی کردن، و توێنستن چەن ئامانجیگ ئەرا وازکردن ریەگە لە نوای هێزە ئەمنیەکان و حەشد شەعبی لە ریە چەپەکان جیوەجی کردن.