شه‌فه‌ق نيوز/ سێ كه‌س له چه‌كداره‌يل حه‌شد شه‌عبى له‌ئه‌نجام روێ وه‌ڕوێ بوينه‌وه‌يگ ك له‌لايه‌ن بڕيگ له تيرۆريسته‌يل داعشه‌و ئه‌نجام دريا زه‌خمدار بوين له ناوچه‌ى جياكه‌ره‌وه‌ى ناونى به‌غدا و پاريزگاى بابل.
له‌ى باوه‌ته‌و، سه‌رچه‌وه‌يگ ئه‌منى ئه‌را شه‌فه‌ق نيوز وت: دويه‌شه‌و ديره وه‌ختيگ چه‌كداره‌يليگ له ريكخرياگ داعش په‌لامار خاڵيگ ئه‌منى سه‌ر وه حه‌شد شه‌عبى دانه له ناوچه‌ى جورف سه‌خه‌ر له باكوور بابل و نزيك له مه‌رزه‌يل به‌غدا و له‌و په‌لاماره 3 كه‌س له حه‌شد زه‌خمدار بوينه.
جى باسه، جورف سه‌خه‌ر يه‌كيگ له‌و ناوچه‌يله بوێ ك وه دريژايى ساڵه‌يل گوزه‌يشت جى نيگه‌رانى و گرژى فريه‌يگ بوێ وه‌رجه ئه‌وه‌گ هيزه‌يل عراقى پرووسه‌ى سه‌ربازى ئه‌را ئازادكردنى ئه‌نجام بيه‌ن.