شه‌فه‌ق نيوز/ سه‌رچه‌وه‌يگ ئه‌منى باس له كوشيان دو كه‌س و زه‌خمداربوين يه‌كيگ تر كرد له‌ئه‌نجام په‌لاماريگ ئه‌را بان حه‌شد عه‌شايرى له ده‌ورگرد قه‌زاى شاره‌بان وه دويرى 40كم له خوه‌رهه‌ڵات باقووبه.
سه‌رچه‌وه‌گه ئه‌را شه‌فه‌ق نيوز وت: شماره‌يگ له چه‌كداره‌يل داعش په‌لامار خاڵيگ ئه‌منى سه‌ر وه حه‌شد عه‌شايرى دانه له ده‌ورگرد قه‌زاى شاره‌بان و بويه‌سه هووكار كوشيان دو كه‌س له حه‌شد و زه‌خمداربوين يه‌كيگ تر.
جى باسه، سه‌رچه‌وه‌گه باس له‌وه‌يش كرد هيزه‌يل ئه‌منى و حه‌شد عه‌شايرى جواو ئه‌و په‌لاماره دانه‌سه‌وه‌و چه‌كداره‌يل داعش ناچار هه‌يواين كردنه، وه‌لێ ديار نيه كوشيان و زه‌خمداربوين له ڕزه‌يل ئه‌و ريكخرياگ تيرۆريستيه كه‌فتوێده‌و.