شه‌فه‌ق نيوز/ هاوپه‌يمانى سائرون ك له‌لايه‌ن موقته‌دا سه‌در سه‌رۆك ره‌وت سه‌درى پشتگيرى ئه‌كريه‌ێد، ئاشكراى هووكار جموجويل بڕيگ له‌لايه‌نه‌يل سياسى كرد ئه‌را ئاڵشتكردن شماره‌يگ له پاريزگاره‌يل.
له‌و باوه‌ته‌و، به‌در زيادى ئه‌ندام له‌بان هاوپه‌يمانيه‌گه ئه‌را شه‌فه‌ق نيوز وت: ريككه‌فتنه‌يل سياسى له‌ناونى بڕيگ له فراكسيۆنه‌يل و حزبه‌يل له‌وه‌رخاتر ئاڵشتكردن بڕيگ له پاريزگاره‌يل، له‌چوارچيوه‌ى ئه‌و پلانه‌يل سياسيه‌سه له‌وه‌ر ئاماده‌كارى ئه‌را هه‌ڵوژاردنه‌يل ئه‌نجومه‌ن پاريزگايه‌يل ك بڕياره له نيسان 2020 ئه‌نجام بگرێ تا لايه‌نه‌گه باڵ وه‌هيزيگ داشتوود له‌و پاريزگايه‌يله.
زيادى هه‌ميش وت: گشت مه‌ردم ئه‌زانن ك پاريزگار ده‌س باڵا و وه‌هيزيگ ديريد له پاريزگا، وه‌و خاتريشه لايه‌نه‌يل سياسى پاريزگايه‌يل سه‌ر خود خوه‌يان ئه‌خوازن تا وه‌پى بچنه ناو هه‌ڵوژاردنه‌يل و له‌وه‌ر خاتر وه‌ده‌سهاوردن ده‌نگ زياتر و هه‌ر وه‌و خاتريشه ئيسه ده‌س كرياسه ئالشتكارى پاريزگاره‌يل و هاوردن پاريزگاره‌يل تر سه‌ر وه خوه‌يان.