شەفەق نیوز/ سەرچەوەیگ لە وەزارەت کەهرەبا، ئمڕوو جومعە، ئاشکراکرد ك ماجد حەنتووش وەزیر کەهرەبا، فه‌رمان داسه‌ وەڕیەوبەر فەرمانگەی وەڕیەوبردن له‌ وەزارەتەگە ئەرا رەوانەکردن فەرمانبەرێگ له‌ كومپانیاێگ ئەرا کۆمپانیایگ تر لە وەزارەتەگە، وئاماژە دا ک فەرمانبەرەگە ماوەی ١٤ ساڵه‌ وەشیوەی گریەبەس کارکەێد . وتیش؛ فەرمان رەوانەکردنی جوور سزایگ هات لەبان داواکردنی لە فەرمانبەرەیل ئەرا مانگردن.
بەڵگەنامەگە ک لە وەزارەت کەهرەبا دەرچگە، دیارخەید ک وەڕیەوبەر فەمانگەی وەڕیەوبردن ، وائیل شاکر حەبیب رەوانەی فەرمانبەرەگە کردگە، لە کۆمپانیای بەشەوکردن کەهرەبای باشوور ئەرا کۆمپانیای بەرهەم هاوردن وزە له‌ ناوچەی باشوور. ئاماژەش دا ک رەوانە کردنەگە جوور سزایگ لەبانی هات، لەوەر جویلە وداواگانی ئەرا مانگردن فەرمانبەرەیل گریەبەس لە پارێزگایل باشوور.
وتیش؛ وائیل شاکر ئەسەدی، ماوه‌ی ١٤ ساڵه‌ فەرمانبەرە وە شیوەی گریەبەس ، وچەن ساڵیگە داوای ئاڵشتکردن گریەبەسەیل کۆن ئه‌كه‌ن ئەرا فەرمانبەری جیگری ک هەژماریان ٨٥٠٠ کەسە.