شه‌فه‌ق نيوز/ سه‌رچه‌وه‌يل ئه‌منى و ناوچه‌يى ئاشكراى ئه‌وه كردن ده‌مه‌و شه‌وه‌كى ئمڕوو كه‌رته‌يل حه‌شد شه‌عبى تويش په‌لاماره‌يليگ جياجياى ريكخرياگ داعش هاتنه له ناوچه‌يل باشوور شار تكريت پايته‌خت ناوچه‌يى پاريزگاى سه‌ڵاحه‌دين و ده‌رئه‌نجاميش 11كه‌س له حه‌شد شه‌عبى كوشيانه‌و دووانيش زه‌خمدار بوينه.
له‌ى باوه‌ته‌و، مه‌حمود خه‌ڵه‌ف سامه‌ڕائى قايمقام سامه‌ڕا له باشوور خوه‌رهه‌ڵات سه‌ڵاحه‌دين ئه‌را شه‌فه‌ق نيوز وت: ريكخرياگ داعش له 4 لاوه(ته‌ل زه‌هه‌ب و ناحيه‌ى مكێشيفه و ده‌ورگرد دۆر و خوه‌رهه‌ڵات سامه‌ڕا)په‌لامار ئه‌نجام داگه‌و له‌و په‌لاماره‌يله 11 كه‌س له ليواى دجله‌ى حه‌شد شه‌عبى كوشتگه و دووانيش زه‌خمدار كردگه.
سامه‌ڕائى هه‌ميش وت: هيزه‌يل ئه‌من و حه‌شد شه‌عبى روێ وه‌ڕوێ ئه‌و په‌لاماره‌يله بوينه‌سه‌وه‌و شماره‌يگ له چه‌كداره‌يل داعش كوشيانه‌و ئامار كووتايى تائيسه ديار نيه چه‌نيگه.