شەفەق نیوز - بەغداد
نوسینگەی فەرماندەی گشتی هێزە چەکدارەیل بڕیار دا وە لاوردن چوار ئەفسەر لە وەزارەت ناوخۆی عراقی لە پلەیلیان، وە فەرمان دروسکردن دانیشتن لێکۆڵینەوە وەرانوەریان ئەرا فەرامووشکردن و کەمکووڵییان لە ئەركە ئەمنییەیلیان، و ریداین وە ئەندامەیلیگ لە حەشد شەعبی ئەرا سووکایەتیکردن وە پەرچەم وڵاتەیل یەکگرتگ ئەمریکی.
بەڵگەنامەی ئامانەداریی نۊسینەجەی کاروبار ئیداری و وەدۊاچگن لە نوسینگەی فەرماندەی گشتی هێزە چەکدارەیل، کە واژوو وەڕێوەبەر نوسینگەگە فەریق یەکەم ڕوکن عەبدولئەمیر ئەلشەممەری هەڵگردیە، فەرمان سەرۆک ئەنجوومەن وەزیرەیل فەرماندەی گشتی هێزە چەکدارەیل لەخوەی گردۊد وە لاوردن هەر یەک لە: فەرماندەی ناوچەی ئەمنی دویەم عەمید داود سەلمان داود، و ئەفسەر لە بارەگای فەرماندەیی پولیس بەغداد رەسافە عەمید رياز جيزان رسەن سەلوم، و فەرماندەی فەوج فریاکەفتن بەغداد رەسافەی پەنجەم عەقید ذو الفقار عۆدە كتاب، و ئەفسەر هەواڵگری فەوجەگە موقەددەم مستەفا ساڵح مهێدی.
بەڵگەنامەگە کە کەفتیەسە دەس ئاژانس شەفەق نیوز دیاری کەێد کە بڕیارەیل لە بنەمای کەمکوڵی ئەفسەرەیل یادکریاگ هاتنە لە ئەركەیلیان و ریداین وە ئەندامەیلیگ لە حەشد شەعبی - لە مەوقەی نمایش رووژ سەروەری - ئەرا سووکایەتیکردن وە پەرچەم ئەمریکی، کە یەیش زەرەد رەسنێد وە پەیوەندییە ناودەوڵەتییەیل.
هەرلیوا فەرماندەی گشتی فەرمان دا وە هەوەجەبوین وەدۊاچجن و بوین مەیدانی ئەرا پولیس بەغداد - رەسافە لە مەوقەی خوەینشاندانەیل و جەژن و بۆنەیل.
وەرجە یە قسەکەر فەرماندەی گشتی هێزە چەکدارەیل، سەباح نوعمان، لە چوارەم رووژ مانگ تشرین یەکەم / ئۆکتۆبەر ئیسە، ڕاگەیانۊد دەسگیرکردن ئەو کەسەیلە راگەیان کە دەسیان لەناو دەسدریژیکردن لەبان پەرچەم ئەمریکی لە جەژن رووژ سەروەری بویە.