شەفەق نیوز/ ئەمینداریەتی بەغداد، ئمڕوو دووشەممە، راگەیان کە وەڕیەوبەر گشتی فەرمانگەی یاسایی لەلای کەفتە وەر کاریگ (تیرۆری) وەکڵس یەکیگ لە (گەندەڵەیل).
ئەمینداریەتی بەغداد لە بەیاننامەیگ رەسیە ئاژانس شەفەق نیوز وت: وەڕیەوبەر گشتی فەرمانگەی یاسایی لە ئەمینداریەتی بەغداد کەفتە وەر هەڕەشە لەماوەی دوو رووژ گوزەشتە وەلایەن کەسیگ لە گەندەڵەیل، ک وەرجەیە وەلایەن دادگا تاوانبار کریاگە.
وتیش؛ ماڵ ئەو وەڕیەوبەر کەفتە وەر پەلامار رویسەختیگ رەسیە سزیان ماشینیگ حکومەتی ک لەلای بوی، تا ئەو لێکۆڵینەوەی گەندەڵیە ئاڵشت بکەێد ک دادگا یەکلایەو کردیە.
وتیش: ئەمینداریەتی بەغداد ئی کارە وە تاوان تیرۆری دەێدە قەڵەم، و کاریگەری لەبان لێکۆڵینەوە دیرێد و ریگری لە کار دامەزراوی و رینمایل حکومەتی لە دژە گەندەڵی گرێد، و هەڕەشەی وەشوینکەفتن تاوانکارەیل وە یاسا و توومارکردن سکاڵای فەرمی دا.