شەفەق نيوز/ سەرچەوەیگ ئەمنی، شەفەق سێشەممە، خەوەردا کە سەربازگەیلیگ و شوینەیلیگ ئەرا هیزەیل ئەمریکی لە عراق کەفتە وەر زنجیرە پەلاماریگ هاووەختە، لەناویان پەلامار وە درۆنەیل لەبان دەورگرد فرۆکەخانەی ناودەوڵەتی بەغداد، و مووشەک وەبان سەربازگەی ئاسمانی عێن ئەلئەسەد خوەرئاوای وڵات، وەبی توومارکردن زەخمداری.
سەرچەوەگە ئەرا ئاژانس شەفەق نیوز وت: سیستمەیل وەرگری ئاسمانی نواگیری درۆنەیلیگ کردن کە پەلامار دەورگرد فرۆکەخانەی ناودەوڵەتی بەغداد دان.
لە پەلاماریگ ترەک، سەرچەوەگە وت: بڕیگ دڕۆن پەلامار سەربازگەی عێن ئەلئەسەد لە ناحیەی بەغدادی لە پارێزگای ئەنبار دان، وتیش: وەرگری ئاسمانی نواگیری ئەو پەلامارە کرد.
وەرجەیەیش، پەلاماریگ وە درۆن سەربازگەی تاجی لە باکوور بەغداد کردە ئامانج، کە پەلامار ڕادار سوپای عراق دا.
هیچ لایەنیگ تا ئیسە وەرپرسایەتی خوەی لەی دوو پەلامارە ئاشکرا نەکردیە، لە وێنەیەک زانیاریەیل باس پەلامارەیلیگ وەیجویرە کەن لەبان سەربازگەی ئیمام عەلی لە باشوور عراق، و لەبان سەربازگەی بەلەد لە پارێزگای سەڵاحەدین.