شەفەق نیوز/ سەرچەوەیگ خۆجێیی، ئمڕوو یەکشەممە، خەوەردا ک تاوەرەیل گواستنەوەی کەهرەبای سەرەکی کەفتنە وەر ئامانجکردن لەلایەن ریخریاگ داعش ک بویە هووکار رماننیان، و کەهرەبا بڕین لە چەن شاریگ لە خوەرئاوای پارێزگای ئەنبار، لە دوویەم پەلامار وەیشیوە لە ماوەی کەمتر لە یەک مانگ.

ئەحمەد دلێمی قایمقام شار قائیم ئەرا ئاژانس شەفەق نیوز وت: ئەندامەیل داعش پەلامار چوار تاوەر نوو ئەرا گواستنەوەی کەهرەبا لە ناوچەی تیوان دان، و رماننەیان، و دوو تاوەر لە شانیان هەمیش لەوەر پەلامارەگە پەکیان کەفت.

وتیش؛ تیمەیلیگ سەروە وەزارەت کەهرەبا و تیمیگ تر لە بەغداد ئیسە دیرن تاوەرەگان دانەن ئەرا هاتنەوەی کەهرەبا، وتیش؛ پەلامارداین تاوەرەگان لەلایەن داعش لە ناوچە بیاوانەگان دووپاتی لە ناتواتییان کەێد.