شەفەق نیوز ـ بەغدا
شانەی راگەیانن ئەمنی عراقی، ئمڕوو دووشەممە، ویرانکردن هەشت حەشارگەی رێکخریاگ "داعش" وە پەلامارەیل ئاسمانی خەس لە ناو کەرت وەرپرسیارەتی تیپ 11 لە فەرماندەیی ئۆپراسیۆنەیل کەرکووک راگەیان.
شانەگە لە بەیاننامەیگ رەسیە ئاژانس شەفەق نیوز وت: ئۆپراسیۆنەگە وەپای زانیارییەیل هەواڵگری هویرد و پشتڕاستکریاگ ئەنجامدریا کە رەسیە وەڕێوەبەرایەتی هەواڵگری سەربازی لەبان هەبوین پاشخان چەکدارەیل رێکخریاگ داعش لە ناو کەرت وەرپرسیارەتی.
وتیش؛ ئۆپراسیۆنەگە وە هەماهەنگی وەگەرد فەرماندەیی هاز ئاسمانی، و وە وەدویاچگن و سەرپەرشتی راستەوخۆ لە شانەی ئامانجگرتن لە نوسینگەی فەرماندەی گشتی هازەیل چەکدار وەڕیوەچگ، وەرجە ئاراستەکردن چەن پەلاماریگ ئاسمانی خەس ئەرا شوین هەبوین چەکدارەیل تێرۆریستی لەری فڕۆکەیل "سێسنا کاراڤان" چاودێرییگ هویرد ئەنجامدریا.
دووپاتکرد، پەلامارەیلە بویە مدوو ویرانکردن گشت هەشت حەشارگە، دیاریکرد دویایی وەردەکاریەیل وە تەواوی بڵاوکەێد.