شەفەق نیوز/ شەفەق ئمڕوو پەنجشەممە، باڵیۆزخانەی سوید لە بەغداد ئاگر دریا، ئەوەیش لەناو خوەینشاندان لایەنگرەیل موقتەدا سەدر ریبەر رەوت سەدر، دویای گردەوبوینیگ لە سوید لە وەردەم باڵیۆزخانەی عراق و ئەوەگ ڕێکی خستیە خوازێد چاپیگ لە قورئان بسزنێد.
ئی پەلامارە لەبان باڵیۆزخانەی سوید دویای ئەوە تیەێد کە پولیس ری وە گردەوبوین بویچگیگ لەوەردەم باڵیۆزخانەی عێلی لە ستۆکھۆڵم دا، ک ئەو کەسە ئی گردەوبوینە ئامادە کردیە نیاز دیرێد لە رووژ پەنجشەممە، چاپیگ لە قورئان و پەرچەم عراقی بسزنێد.
لەلای خوەییش، وەزارەت دەیشت عراق وە زبرترین وشەیل شەرمەزار سزانن باڵیۆزخانەی شانشین سوید لەلای بەغداد کرد، و داوای وازکردن لێکۆڵینەوەی زویوەزییگ لە رویداوەگە کرد.
بەیاننامەگە وتیش؛ حکومەت عراق فەرمان دادە لایەنەیل ئەمنی پەیوەنیدار وە لێکۆڵینەوە و جیوەجیکردن ریکارەیل ئەمنی ئەرا رەسین وە بندروس رویداوەگە و دیاریکردن ئەو کەسەیلە ک دەسیان هاناو ئی کارە و سزادانیان وەگورەی یاسا.