شەفەق نیوز/ هەزاران لە لایەنگرەیل حەشد شەعبی، ئمڕوو یەکشەممە، لە یەکەم ساڵیاد کوشتن قاسم سولەیمانی فەرماندەی فەیلەق قودس ئیرانی، و ئەبو مەهدی موهەندس سەرکردە لە حەشد شەعبی بەشدار بوین.

پەیامنێر ئاژانس شەفەق نیوز وت؛ هەزاران لە لایەنگرەیل حەشد شەعبی لە مەیدان تەحریر لە ناوڕاس بەغداد پایتەخت بەشدار بوین لە یەکەم ساڵیاد کوشتن سولەیمانی و موهەندس، ک خۆپیشاندانەرەگان دروشمەیل دژوە ئەمریکا بەرزەو کردن و داوای دەرچگن هێزە ئەمریکیەگان لە عراق کردن.

هەمیش وێنەیل سولەیمانی و موهەندس و پەرچەمەیل عراق و حەشد شەعبی بەرزەو کردن، و هەمیش وێنەی گەورایگ لە روی چێشتخانەی تورکی لەناوڕاس بەغداد بەرزەو کردن.

خۆپیشاندانەگە بەشداربوین سیاسی وەخوەی دی، ک هادی عامری وەرپرس رێکخراو بەدر و فالح فەیاز وەرپرس دەزگای حەشد شەعبی، و ئەبو فەدەک سەرۆک ئەرکان حەشد لەناوی ئامادە بوین.