شەفەق نیوز/ رووژنامەی ئەنجومەن دادوەری باڵا، ئمڕوو دووشەممە، باس هویردەکاری تاوان کوشتن سێ کەس و زەخمداری کەسیگتر وەدەس گەنجیگ لە پارێزگای واست کرد.
وەگورەی رووژنامەگە، یەکەی دژەتاوان فەلاحیە لە پارێزگای واست، ئاگادار لە رویداویگ کوشیان سێ کەس و زەخمداری کەسیگتر لە ناوچەی جوادێن کریا.
وتیش: هەناێ هیزەیل ئەمنی رەسینە شوین رویداوەگە، دەرکەفت ک سێ قوربانی کەفتنە وە چەقوو کوشیانە، و کەسیگیش لە تەقەلای گردن تاوانبارەگە باڵی زەخمدار بویە.
وتیش: دویای جیوەجیکردن تاوانەگە، خەڵک ناوچەگە ئەو گەنجە دەسگیر کردنە، ک جانتیگ رەنگ سیا لە کووڵی بویە و کیسەیگ سیا وەدەسی بویە، و لەناو ماڵیگ تەواونەکریاگ گردنەسەی، و دانەی دەس لایەنەیل ئەمنی، ک ئەوانیش سێانزە مەلیۆن و نۆسەد و و هەفتا و پەنج هەزار دینار پویل وە گەرد چەقوویگ و جفتیگ دەسکیش چەرمگ وەپی گردنە، ک تاوان کوشتن ژنیگ و پیاویگ و مناڵیگ وەپیان جیوەجی کردگە.