شەفەق نیوز/ ئەحمەد عەبدواحید حەمدانی ئەندام پارێزگای کەرکوک، ئمڕوو جمعە، خەوەردا کە گەنجیگ خەڵک حەویجە لەناوڕاس پارێزگاگە کەفتیەسە وەر رفیان و شکنجەدان وەلایەن کەسەیلیگ نەناسیای، و داوای لێکۆڵینەوە لە لایەنەیل ئەمنی کرد.
حەمدانی ئەرا ئاژانس شەفەق نیوز وت: کەسەیلیگ نەناسیای ئەو گەنجە وەناو (ياسر سهيل عبادی) خەڵک قەزای حەویجە لە وەر چەن و گووش مەردم ناوڕاس گەراج خەسەخانەی گشتی کەرکوک رفانن و شکنجەی دان، و ئەوەیش کاریگ رخدارە و بایەسە لێکۆڵینەوە ئەرا رەسین وەو لایەنەیلە کە دەسیان هاناوی واز بکریەێد.
وتیش: ئی رویداوە هەڕەشەی ئاسایش کۆمەڵایەتی لە شارەگە دەێد، ئەراوە داوا لە لایەنەیل ئەمنی و ئەنجومەن و ئیدارەی پارێزگاگە کەیمن کار خوەیان لە ئاشکراکردن هویردەکاریەیلی بکەن.
پولیس حەویجە هویچ قسەیگ لەی نەکرد.