شەفەق نیوز/  راگرایەتی کۆلێژ ئەندازیاری لە زانکۆی بەسرە بڕیار دەرکردن سێ خوەنەوار بەش ئەندازیار کارەبایی دەرکرد،  دویای ئەو کۆمێنتەیلە لە ئینستاگرام نویسانبوینی کە رەخنەی لە ئەدای ئەکادیمی و کارگێڕی بەشەگە گردبویەخوەی، بڕیارەگە رای گشتی لەلی کەفت  و مشتومڕ فراوانیگ لەناو بازنەیل خوەنەوارەیل وەدویای خوەی هاورد.

وەپای بەڵگەنامەیگ فەرمی کە  ئاژانس شەفەق نیوز وەدویاچگن ئەرای کردیە، بڕیار دەرکردنەگە لەبان بنەمای راسپاردەیل لیژنەیگ دیسپلین بویە کە ئەرا وەدویاچگا ئەرا سکاڵایگ لەبان خوەنەوارەیل توومارکریایە، لیژنەگە رەسیە ئەو ئەنجامە  کە "پۆستەیلە سووکایەتیکردن وە ناوبانگ بەشەگە و فاکەڵتییەگەن".

لە بەڵگەنامەگەدا هاتیە: "وەپای  بڕیار کارگێڕیی کە لە 6ی ئایاری 2025 دەرچگە، بڕیاردریا وە دەرکردن خوەنەوارەیل ئەرا ماوەی مەنن ساڵ خوەنستن 2024-2025، وەپای  بڕگەیل ماددەی 5ی رێنمایی دیسیپلین خوەنەوارەیل لە وەزارەت خوەنین باڵا شمارە 160ی ساڵ 2007، جویر لە یاسای شمارە 199 ساڵ 2018 هەموارکریایە". 

لە بەڵگەنامەگە رووشنیکرد "ئەو کردەیەی ئەنجامدریایە هاتێ تاوانیگ بوود  وەپای یاسای سزادان عراقی شمارە 111ی ساڵ 1969 سزا درێد"، دیاریکرد "سکاڵاکار ماف ئەوە دیرێد داوای یاسایی تاوانکاری تووماربکەێد لە دادگایەیل کارامە، لە بڕیارەگە هاتیە چگنە ناو خوەنەوارەیل ئەرا   ناو کەمپ زانکۆ قەیەغەکریاس، باوجی  رێگریکردنەگە لە ئەنجامدان تاقیکردنەوەیل وەرز دویەم نیەگردیانەو".

بڕیارەگە وەلایەن خوەنەوارەیل زانکۆ رەتکردنەوەی فراوانیگ لێکەفتەو، کە جویر تنگەوکردن ئازادی رادەربڕین و  هاتنەدویا  دیموکراسی ناو دامەزراوەگە ئەکادیمیەیل ئیسفاکرێد.

فرەیگ لە خوەنەوارەیل ئەلاجوی خوەیان نیشاندان لە سۆشیال میدیا کە ڵاوکات بوی وەرد تاقیکردنەوەیل دیاریکردن کە "کۆمێنتەیلە هێر کەسی لەناوی نەبویە، بەڵکم بەشیگ بوین لە رەخنەیل گشتی ئەکادیمی".

لە چوارچمگ سنوور وەدویاچگنەیل ئاژانس شەفەق نیوز ئەرا پرسەگە، پەیوەنی وە  سەرۆکایەتی زانکۆی بەسرە کریا ئەرا وەرگردن لێدوان فەرمی لەباوەت بڕیارەگە و ئەو ریوشوینەیلە گیریانەسەوەر، باوجی لایەنەیل  پەیوەنیدار ئیرنگە خوەیان لە لێدوان دویر خستنە تەنیا دیاریکردن کە هێمان پرسەگە لە چوارچمگ کارگێری ناوخوەییە.