شەفەق نیوز/ سەرچەوەیگ ئەمنی لە عراق، ئمڕوو پەنجشەممە، ئاشکرایکرد زیاتر لە700 ئەمریکی عراق وەجیهیشتنە وە مدوو ئەوزەڵکردن گرژیەیل ناوچەگە.

سەرچەوەگەوە ئاژانس بەرزەوبوین شەفەق نیوز راگەیان "شمارەی فەرمانبەر و دیپلۆماتکارەیل کە بایلۆزخانەی ئەمریکا لە بەغدا وەجیهیشتنە تا شەفەق ئمڕوو 700 کەس رەدکردیە، وەپای زانیاری وەردەسەیل".

وتیش "فرەی ئەوانەگ دەرچگنە دیبلۆماتکار و فەرمانبەر  و هاوڵاتی بوین، لەوەختیگ مەزەنەکریا سەرکردە و کەسایەتی سەربازیەیل ئەمریکیەیلیش عراق  وەجی بیلن".

یەیش لە ئەنجام بەرزەوبوین ئەمنی ناوەین وڵاتە یەکگرتگەیل و ئیران هەڕەشەیل وە گورزەیل سەربازی ناوەینیان تێد لەدویای ئەوەگ دۆسیەی ئەتۆم ئیران لە دانوسانەیل ناوەین هەردووگ لا نەڕەسیە رێککەفتن.

دویەشەو چوارشەممە، ئاژانس "رۆیتەرز" لە سەرچەوەیل عراقی و ئەمریکی  راگەیان، واشنتۆن بڕیاردایە دیبلۆماتکار و فەرمانبەرەیلی بایلۆزخانەی ئەمریکا لە بەغدا و شمارەیگ وڵاتەیل کەنداو وەجیبیلن.