شەفەق نیوز - ئەنبار
سەرچەوەیگ لە وەرگیری شارستانی ئەنبار، ئمڕوو پەنجشەممە، لەناوبردن سێ مووشەک راگەیان کە لە بیاوان خوەرئاوا پاریزگەگە پەیاکریابوین، لە چوارچمگ کارەیل چارەسەرکردن وەجیماگەیل جەنگی و سنوردارکردن رخداریەیلی وەبان هاوڵاتیەیل.
سەرچەوەیگ راگەیانن وەرگیری شارستانی لە ئەنبار محەمەد تاریق، ئەرا ئاژانس شەفەق نیوز، وت مەزەنەکریەێد مووشەکەیل لە فڕۆکەیگ جەنگییەوە وشنیابوود لە وەخت پڕۆسەیل سەربازی دژ وە رێکخریاگ "داعش" لە ساڵ 2015 یا لە وەخت پڕۆسەیل رزگارکردن لە ساڵ 2016، باوجی نەتەقیانیان وە مدوو گیچەڵیگ تەکنیکی بویە.
وتیش؛ تیپەیل چارەسەرکردن بۆمبەیل نەتەقیاگ سەر وە سەرچەوەگە ئەرک چارەسەرکردن مووشەکەیل لە گردنە خوەیان و ئەرا شوونیگ بیوەی بردنێ، وەرجە ئەوەگ لەو شوینە لەناوبوەریەێد، وە هەماهەنگی وەگەرد تیپ ئەندازیاری لە سوپای عراق.
دیاریکرد، پڕۆسەگە وە چەودێری مەیدانی راستەوخوەی وەلایەن سەرچەوەیگ وەرگیری شارتانی لە ئەنبار، عەمید موستەفا مەحموود ثلج ئەنجام دریا، و دووپات کرد ئێ کارەیلە لە چوارچمگ تەقەلا وەردەوامەیل ئەرا پاراستن گیان هاوڵاتی هەوڵەیل بەردەوام ئەرا پاراستن گیان هاووڵاتیەیل و زیایکردن بیوەیی لەو ناوچەس کە هێمانگ وەجی ماگەی جەنگی گرنەخوەیان.