شەفەق نیوز - بەغداد
بەش مەزەنەی کەشوهەوا لە دەسەی گشتی کەشوهەوا و چەودیاری زەۊلەرزە، ئمڕوو شەممە، نووەوکردنیگ نوو لەباوەت دواییهاتن رەوش واران دەرکرد، لە خود وەخت مەزەنەی نزمەوبۊن پلەیل گەرمی کرد وەرد ئەگەر دروسبۊن تەم لە شمارەیگ لە ناوچەیل، و وارین وەفر لە بەرزاییەیل هەرێم کوردستان.
بەشەگە لە راپۆرتیگ کەشوهەوا دیاری کرد، کە کاریگەرییەیل رەوش ناسەقامگیری کەشوهەوا لە ماوەی رووژ ئمڕوو شەممە و ئی شەوە وەردەوام بوود، وەرد دەرفەتەیل ئەرا وارین وبەڵاچە وە تونی جیاجیا، کە لە ناوەین سووک و مامناوەن بوود لە ماوەیل جیاجیا، وەرد ئەگەر تونەوبۊن وارینەگە و فرەیی لە بڕیگ لە ناوچەیل.
دیاری کرد کە ئەو شارەیلە کە کاندیدن ئەرا وارانەیل فرە ئمڕوو و ئی شەوە بریتین لە: سلێمانی، و دهۆک، و هەولێر، و کەرکووک، و مووسڵ، و دیالە، و سەڵاحەدین، و بەغداد و واست، بیجگە لە ناوچەیل پەرتەوازەیگ لە شارەیل فورات ناوڕاس.
راپۆرتەگە باس دریژەوبۊن دەرفەتەیل وارانە رفتەیل لە ماوەی سەعاتەیل شەو تا شارەیل بەسرە و مەیسان و زیقار لەخوەی بگرێد، وەرد ئەگەر جیاوازی بڕەیل وارین لەڕۊ شوینەو.
کەمەوبۊن رەوشەگە و نزمەوبۊن پلەیل گەرمی
وەپەی راپۆرتەگە، دەرفەتەیل واران دەس وە لاوازبۊن پلەپلە لە بەشەیل خوەراوای وڵاتەگە لە ماوەی ساعەتەیل ئیوارەی ئمڕوو شەممە کەن، هاووەخت وەرد وایەیل باکوور خوەراوا کە بارستەیگ وای سەرد وەگەردیە، کە بوودە هووکار نزمەوبۊن پلەیل گەرمی، و کاریگەری وای سەرد لە ماوەی شەو یا شەوەکی زۊ رووژ یەکشەممە دریژەو بوود تا لەخوەی بگرێد: پایتەخت بەغداد و نەجەف و دیوانیە و جیماگەی شارەیل ناوڕاس و بەشەیلیگ لە باشوور خوەراوای وڵاتەگە.
مەزەنەیل یەکشەممە
وەپەی راپۆرتەگە، جیماگەیل رەوش کەشوهەواگە وەرەو ناوچەیل خوەرهەڵات و باکوور خوەرهەڵات تەکان نەن، وەرد دۊرنەخستن وارین وارانەیل فرەیگ لە ماوەیل جیاجیا لەناوی، لە وەختیگ دەرفەتەیل وارین وە رێژەیی لە جیماگەی ئەو ناوچەیلە کەمەو کەن کە ئەورەیل وەردەوامن لە دەرکەفتن لە ماوەیل جیاجیا لە ئاسمانەیلیان وەرد دەرفەتەیل دیاریکریاگ ئەرا وارانەیل سووک و پەرتەوازە، کە نۊنەرایەتی قۆناغەیل دۊایی لە رەوش کەشوهەواگە کەن.
هوشدارداین لە دروسبۊن تەم
راپۆرتەگە دەسنشان ئەرا ئەوە کرد کە مەزەنە کریەێد شەپۆلەیل لە تەم دروس بوون لە ماوەی ساعەتەیل شەوەکی زۊ و شەوەکی یەکشەممە لە ناوچەیل فرەیگ لە شارەیل باکوور و ناوڕاس وڵاتەگە، کە بوودە هووکار خرابۊن دید ئاسوویی، وە تایبەت لەبان ریەیل دەیشتەکی، لەوەر ئەوە تەمەی کریەێد وە خوەیپارێزی لە وەخت رانین و هاتن و چگن.
بەش مەزەنەی کەشوهەوا مەزەنە کرد کە تەمەگە وە شیوەی پلەپلە لە ماوەی سەعاتەیل رووژ نەمینێد، و هەمیش دەرفەتەیل دروسبۊن تەم لە شەوەکی رووژ دووشەممە نووەو بوود وەرد زیایبۊن ناوچەیلیگ لە شارەیل باشوور و خوەرهەڵات وڵاتەگە. وارین وەفرینیش مەزەنە کریەێد لە شەو یەکشەممە/ دووشەممە لەبان بەرزاییە کویەیل باکوور هەولێر و دهۆک.
دواییهاتن رەوشەگە
بەشەگە لە راپۆرتەگەی دوایی هاورد کە کەشوهەوا رووژ دووشەممە سەقامگیر بوود و وەگەردییش وای باکوور خوەراوا ئارام بوود، و وەیەکەیش کەفیمنە وەردەم دواییهاتن کاریگەری رەوش کەشوهەوای وارانین، وەرد وەردەوامبۊن کەشوهەوای سەرد و نزمەوبۊن پلەیل گەرمی لە ماوەی رووژەیل ئایەندە.
ئی زانیارییەیلە لە سای شەپۆل وارینیگ فرە تیەن کە چەن پارێزگاییگ وەیخوەی دیەی، کە هەرێم کوردستان لە ناویانە، لە شەو دۊەکەو، کە بۊە هووکار دروسبۊن لافاوەیل و ژیرئاوکەفتن بڕیگ لە گەڕەکەیل و ناوچە نزمەیل.
شارەزایەیل کەشوهەوا ئەگەر ئەوە دان کە وڵاتەگە وەردەوام بوود لە وەرکەفتن کاریگەری ئی نزمە پاڵەپەستۆ کەشوهەواییە تا رووژ دووشەممەی ئایەندە، وە هوشدارداین لە تونەوبۊن وارانەیل لە فرەی شارەیل باکوور و هەرێم کوردستان، لە شان پارێزگایەیل دیالە، و سەڵاحەدین، و ئەنبار، بیجگە لە ناوچەیل پەرتەوازەیگ لە بەغداد، و بابل، و کەربەلا، و نەجەف، و واسیت، و هەردوگ بیاوان نەجەف و نوخەیب، و خوەرهەڵات میسان، لە ناو مەزەنەیل ئەرا دروسبۊن لافاوەیل زیاتر و کەمەوبۊن دید لە بڕیگ لە ریەیل و شوینە نزمەیل.