شەفەق نیوز/ لیژنەی کاروبار نیجیریەیل دەێشت وڵات (NiDCOM) راگەیان، زیاتر لە  5,000 ژن نێجیری لە عراق گیرکردنە لەدویای ئەوەگ ئەرا کارکردن کلکریانە.

 سەرۆک لیژنەگە، ئەبیکیدابیری ـ ئەروا، لە بەیانیگ ئەرا دزگایەیل راگەیان نێجیریا کە ئاژانس شەفەق نیوز دیەسێ ئاشکرایکرد، شمارەیگ لەو ژنەیلە رویوەروی بارودۆخ سەختیگ بوون، لە نووترین حالەت ژنیگ لە وەخت کارکردن لە عراق ڵە بارودۆخ نادیاریگ گیان لەدەسدایە.

لیژنەگە وتیش، ئەوان کارکەن ئەرا دوارە گلەوداین تەرم قوربانیەگە تا لێکۆڵینەوە لە هووکار مردنی بکەن، هووشداری لە کووچیگ نا ئەمن دا.

دابیری ـ ئەریوا دووپاتکرد لەبان گرنگی پەیاکردن دەرفەت ناوخوەیی لەجیاتی ئەوەگ لە دەێشت وڵاتەگە ژیاند رویوەروی مەترسی بوود.