شەفەق نیوز/ سەرچەوەیگ ئەمنی، ئمڕوو سێشەممە، ئاشکرای دەسگیرکردن ماشینیگ بارهەڵگر، شمارەیگ لە کراکارەیل ئەفغانی لەناوی بویە، دویای رەدبوینی لە خاڵەیل ئەمنی لە دەروازەی باکوور شار خانەقین لە پارێزگای دیالە.
سەرچەوەگە ئەرا ئاژانس شەفەق نیوز وت: رانندەی ماشینەگە وە فەرمان خاڵەیل وەشکین نەوسیا، کە هیشت هیزەیل ئەمنی بکەفنە شوینی، تا پولیس خانەقین لە یەکیگ لە چواڕییانەیل شارەگە گردنەی.
سەرچەوەگە وتیش: دویای گڕیگ لە گیرهاوردن ماشینەگە، هیزەیل ئەمنی رانندەگە دەسگیر کردن، و ١٥ کراکار ئەفغانی لەناو ماشینەگە دەسگیر کریان.
دووپات کرد کە لێکولینەوە وەردەوامە ئەرا رەسین وە بندروس رویداوەگە و ئەڕا چە رانندەی ماشینەگە وەبی سڵا لە خاڵەیل وەشکین رەد بویە.
سەرچەوەگە وتیش: ماشینەگە و کەسەیل ناوی کەفتنە دەس پولیس خانەقین، کە لێکۆڵینەوە وەردیان کریەێد.