شەفەق نیوز/ دادگای نەهیشتن تاوانەیل نەجەف، ئمڕوو پەنجشەممە، دوو فەرمان وەسێدارەدان لەبان ژن و شوییگ وە توومەت کوشتن دەرکرد.
سەرچەوەیگ ئەمنی لە پارێزگای نەجەف ئەرا ئاژانس شەفەق نیوز وت: شوی و ژنەگە لە مانگ ئاب گوزەشتە ژنیگ لە گەڕەک جەزیرە لەبان ناکوکی پویل کوشتنە، ئیجا تەرمەگەی سزاننە، تا تاونەگیان سڕوپوو بکەن.
دیاری کرد ک هیزەیل ئەمنی توەنستن بڕەسنە تاوانکارەیل و دەسگیریان بکەن، و ئمڕوو دادگا فەرمان وەسێدارەدان لەبانیان دەرکرد، وەگورەی مادەی ٤٠٦ لە یاسای سزادان عراقی.