شەفەق نیوز ــ بەغدا

دەسەی گشتی کەشناسی و زەویلەرزەناسی، ئمڕوو سێشەممە، مەزەنەکرد فرەیگ لە ناوچەیل عراق بەرزەوبوین مامناوەندیگ پلەی گەرمی وەخوەیان بوینن لەماوەی هەفتەی بانان.

یەیش لە نووترین مەزەنی دەسەگە هاتیە کە لە راپۆرتیگ وەناونیشان "شەپوول چامداری، بەرزی، و واران تێد" لە بڕیگ شوین.

وەپای راپۆرت دەسەگە، نووترین نموونەیل کەشوهەوا دیاریکەن، شارەیل بەسرە و میسان و بەشەیگ لە زیقار کەفێدە وەر کاریگەری کەمکەم بەرزەوبوین چام روکەشیگ، کە لە رووژ پەنجشەممە 7-8 دەسوەپی کێد، لە ئەنجام ئاڵشتبوینەیل ئاراستەی وا ئەرا باشوور خوەرهەڵات وە تونی سوکیگ، وەرد ماوەیل ئارامبوین رێژەیی وا.

 ماوەی کاریگەری مەزەنەکریاگ

لە راپۆرتەگە وتیش، شەپوول چامداریەگە 7 تا 10 رووژ وەردەوام بوود، وەرد زیایبوین هەس کردن وە گەرمی لە رووژ،  وە تیبەت لە ناوچەیل نزیک لە ئاو.

ئەور و واران

دەسەگە دیاریکرد، مەزەنەکرێد لە بەرزایی جیاوازەیل ئاسمان شارەیل وڵات ئەور بوود، گاجاریگ زیایەو بوود، دەرفەت واران وارین و بەرق سوکیگ لە ناوچەیل بکوور و خورئاوا دروسکەێد، لە ئەنجام درویژەوبوین چالاکی کەمیگ بەرزە پاڵەپەستۆی چامداری.

شەپوول گەرمی

لە راپۆرت کەشناسی هاتیە، مەزەنەیل دیاریکەن ئەرا بەرزەوبوین وەرچەویگ پلەی گەرمی لە ماوەی هەفتەی بانان لە فرەیگ لە شارەیل وڵات، لە چوارچمگ گەرمیگ وەرێژەی ناوڕاس.

دیاریکرد، شەپوولەگە کاریگەری زیاتریگ وەبان باشوور و ناوڕاس وڵات دروسکەێد، و مەزەنەکرێد لەو ماوە پلەی گەرمی برەسێدە 50 پلە لە بڕیگ ناوچەی ناوڕاس و باشوور وڵات، وە تایبەت لە مەوقەی نیمەڕوو، کە هنای وەرد چامداری باشوور تێکڵا بوود هەس کردن وەگەرمی زیاترەوکەێد.

هووشداری

دەسەگە لە کۆتایی راگەیان، هووشداری وە هاوڵاتیەیل دەیمەن لە مەوقەی نیمەڕوو چگنە دەێشت کەمەوبکەن، شلەمەنی زیای بنوشن.