شەفەق نیوز ـ بەغدا

ئەنجومەن دادگای باڵا، ئمڕوو یەکشەممە، ئامار شمارەی دەزویرانی و جیاوەبوینەیل مانگ  تەمووز گوزەشتە ناو دادگای شارستانی گشت پارێزگایەیل عراق راگەیان بیجگە لە هەرێم کوردستان.

وەپای ئامارەیل توومارکریاگ شمارەی دەزویرانی و جیاوەبوینەیل  لە 15 پارێزگای عراق لەناویان بەغدای پایتەخت رەسیەس ئەرا  29587 حالەت.

نەینەوا و بەغدا پشک شێر دیرن لە پسای دەزویرانی لە یەکەم پارێزگا  3589،  و لە پایتەخت لای رەسافە  3067، و لای کەرخ  2321.

باوجی ئەرا جیاوەبوین پایتەخت عراق ها لوتکە وە  1299 پسای لای رەسافە، و 1166 لای کەرخ، و لە پارێزگای بەسرە   734 پسای نیاوەبوین توومارکریاس.