شەفەق نیوز/ بەش چەودێری زەویلەرزەی سەر وە دەسەی گشتی کەشناسی و  زەویلەرزەناسی، ئمڕوو یەکشەممە، راپۆرتیگ مانگانە تایبەت وە زەویلەرزە و نەخشەی چالاکیەیل زەویلەزەیل عراق و ناوچە هاوسنوورەیل ئەرا مانگ  ئایار 2025 بڵاوکرد.

وەپای راپۆرتە مانگانەگە کە ئاژانس شەفەق نیوز دیەسێ، بڕ گشت زەویلەرزەیل کە تووڕ زەویلەرزەیل عراق ئەرا ئێ مانگە (64) هزەویلەرزەس کە  (25) زەویلەرزە لەناو عراق بویە.

لە راپۆرتەگە، (26) لەرزە لە ئیران توومارکریاس لە (کرمانشان- ئیلام - كوردستان - خوزستان- لۆڕستان) لە نزیک سنووری وەرد عراق. (13) زەویلەرزە  لەناو تورکیا لە  (ڤان- هەكاری - بتلس- سيرت) نزیک سنووری وەرد عراق توومارکریاس.

 وەپای راپۆرتەگە بڕ هاز زەویلەرزەیل لەناوەین  (4,6 -1) پلەس لە قویلی ناوەین (33-3) كم.

چالاکییە زەویلەرزەیل لەی مانگە  لە ناوخوەی عراق لە پارێزگایەیل سلێمانی (دەربەندیخان، کەلار، و چەمچەماڵ) گردەوبویە، کە شمارەی لەرزینەیل رەسیەس ئەرا (10) هەمیش  (6) زەویلەرزە  لە پارێزگای کەرکوک، (3) زەویلەرزە لە پارێزگای دیالە (خانەقین)، دوو لەرزە لە پارێزگای هەولێر (سۆران و شەقڵاوە)، دوو لەرزە لە پارێزگای دهۆک، یەک لەرزە لە پارێزگای نەینەوا، یەک لەرزە لە پارێزگای واست توومارکریاس.

کوو گشتی ئەو راپۆرتەیلە لە ئێ مانگە دەرچگە رەسیە ئەرا  راپۆرت و لە ئەنجام زەویلەرزەیل ئێ مانگە هویچ زەردیگ مرۆیی لە ناوچەگە توومارنەکریاس.