وەڕیەوبەرایەتیەگە لە بەیاننامیگ رەسیە ئاژانسەگەمان ک گشت کارەیل مانگ کانون دویەم گوزەشتە  جەمەو کردوین لە بەغدا و پارێزگایەیل راگەیان، " وەردەوامین لە دەسگیرکردن بازرگانەیل مادەی هوشبەر، و پویچەوکردن باندەیل ناوخوەیی و ناودەوڵەتیان، و وەڕیەوبەرایەتیەگە توەنستیە ئۆپراسیۆنیگ جویری جیوەجی بکەێد، لە ئەنجام 1417 کەس دەسگیرکریا وە توومەت بازرگانیکردن و بڵاوکردن و گواستنەوە و قاچاقکردن مادەی هوشبەر".

وەڕیەوبەرایەتیەگە وتیش" لەماوەی مانگ کانون دویەم ساڵ 2023 دەسنریایە وەبان (63,369) كيلو گرام مڵدەی هوشبەر وە گشت جویرەیلی، و(522,186) حەب هوشبەر و کاریگەری دەروینیەیل".

 وەڕیەوبەرایەتی گشتی کاروبار هوشبەریل وتیش " ئۆپراسیۆنەیل وەپشت بەسین فرمان دەسگیرکردن دادگا بویە، ک دادوەرەیل تایبەت بڕیار سزای زیندانیکردن  (579) کەس دان، تا ئیسە ریکاریل لێکۆڵینەوە وەردەوامە ئەرا ئەو زیندانیەیلتر وەگورەی یاسا".