شەفەق نیوز - بەغداد

داتایەیل فەرمانگەی ئاماری گشتی ئوردنی، ئەمڕوو شەممە، بەرزەوبوین بەهای هەناردەکریاگ ئەرا عراق وە بڕ 20.4% لە ماوەی هەفت مانگ یەکەم ساڵ 2026 پیشان دەێد، لە وەرانوەر داوەزیان هاوردەکریاگەیل لە عراقەوە وە رێژەی 56.6%.

وەپای ئەو داتایەیل ئاژانس شەفەق نیوز ئیسفایکردیە، هەناردەی ئوردن ئەرا عراق لە ماوەی دیاریکریگ رەسیە 632 ملیۆن دیناری ئوردنی، وە بەراورد وە 525 ملیۆن دینار لە هەمان ماوەی ساڵ 2025، وە بەرزەوبوینیگ کە رەسیە 20.4%.

لە وەرانوەر، بەهای هاوردەکریاگ ئوردن لە عراق وە بڕ 56.6% داوەزیە، و رەسیە 43 ملیۆن دیناری ئوردنی لە ماوەی هەفت مانگ یەکەم ساڵ 2026، لە وەرانوەر 99 ملیۆن دینار لە هەمان ماوەی ساڵ گوزشتە.

 بازرگانی ئوردن وەرد عێراق بەرزەوبویە  نزیکەی 426 ملیۆن دیناری ئوردنی لە ماوەی هەفت مانگ یەکەم ساڵ 2025ەو ئەرا نزیکەی 589 ملیۆن دینار لە هەمان ماوەی ساڵ 2026.