شەفەق نیوز - نەینەوا
پارێزگای نەینەوا، ئمڕوو دووشەممە، چوار خوەیکوشتن توومارکرد، حالەتەیل بەشەوبوینە لەناوەین تەواوبوین و قورتارردن و بردنیان ئەرا خەستەخانە، رێژەگە جی نیگەرانییە ئەرا زیایبوین دیاردەگە.
سەرچەوەیگ ئەمنی وە ئاژانس شەفەق نیوز راگەیان، ئەندامیگ لە تیپ 15ی سوپای عراقی، لەری چەک لەناو بنکەی تیپەگە تەقە لە خوەی کرد، دیاریکرد ئەندامەگە خەڵک قەزایتلعفەر خوەرئاوای موسڵە، و لێکۆڵینەوەی فەرمیلە رویداوەگە وازکریاس.
ئاوای تەهراوە سەر وە ناحیەی بەرتەلە خوەرئاوای موسڵ رویداویگ خوەیکوشتن گەنجیگ لەداڵگبوی 1987 وەخوەی دی لەری وەکارهاوردن چەک، تەرمەگەی ئەرا تەواوکردن لێکۆڵینەوەیل کلکریاسە پزیشک دادوەری، کەسوکارەگەی راگەیانە بیماری دەروینی داشتیە، وەپای سەرچەوەگە.
ژنیگیش دانیشتگ گەڕەک سەلام لەلای چەپ موسڵ وە مادەی نەفت چەرمگ خوەی سزانییە، و رێژەی سزیانی رەسیە ئەرا 50%، ئەرا خەستەخانەی جمهوری کلکریاس ئیرنگە ها ژیر چەودێری پزیشکی، هووکارەگەی گلەوخوەێد ئەرا گیچەڵ خێزانی.
لە کویچەی 17ی تەمووز لای راسیش، ژنیگ ترەک وەهەمان شیواز خوەی سزانییە، و رێژەی سزیانی رەسیە ئەرا 80%، ئیرنگەلە خەستەخانەی جمهوری چارەسەرکرێد، وەپای لکۆڵینەوەیل سەرەتایی هووکارەگەی پەستان دەروینی و گیچەڵ خێزانی بویە.
دوارەوبوین ئێ ڕووداوەیلە لە ماوەی کوڵیگ ڕەنگدانەوەی ئەوزەڵکردن ئاستەنگە دەروونیەیل و کۆمەڵایەتییەیلە کە رویوەروی فرەیگ لە دانیشتگەیل پارێزگای نەینەوا بوود، ئیەش لە وەختیگ کە داوای زیایکردن پشتیوانی دەروونی و زیایکردن هۆشیاری کۆمەڵگا کرێد.