شەفەق نیوز- بەغداد

عراق هاتە پلەی 99 جەهانی لەناو پیوەر گەشەپیدان تەکنەلوجیای زانیاری و پەیوەندییەیل ئەرا ساڵ 2026، وە تومارکردن 79.4 خاڵ، وەپەی ئەو داتایەیلە کە ماڵپەڕ "ڤیژواڵ کاپیتاڵیست" تایبەتمەن لە داتا و دیزاینە ئابوورییەیل بڵاوی کردگە.

رزبەنییەگە پشت بەسێد وە پیوەر یەکێتی ناودەوڵەتی پەیوەندییەیل، کە ئاست پەیوەندی دیجیتاڵی لە 159 ئابووری لە سەرانسەر جەهان پەیمانە کەێد، وە پشتبەسین وە پیوەرەیلیگ کە رەسین وە ئینتەرنێت و وەکارهاوردنی، و پووشین توڕەیل، و وەکارهاوردن داتایەیل، و توانای هەڵگردن خەرجەیل خزمەتگوزارییەیل پەیوەندی گرێدەو.

وەپەی داتایەیل، عراق لە ئەنجامەگە وە یەکسان هات وەرد کۆڵۆمبیا، و وەپیشکەفتن لەبان کۆمار دۆمینیکان کە 79.3 خاڵ تومار کرد، لە وەختیگ میسر لە 79.6 خاڵ هات، و توونس لە 80.1 خاڵ، و ئەندۆنیسیا 84.7 خاڵ و بەڕازیل 84.6 خاڵ تومار کردن.

لەبان ئاست پیشەنگی جەهانی، سعودیە هاتە سەر پیوەرەگە وە 99.8 و لە دۊای ئەویش ئیمارات وە 98.8، لە وەختیگ دەوڵەتەیل کەنداو دەس گردنە بان پەنج لە دە پلەی یەکەم، کە ئەوانیش سعودیە و ئیمارات و کوەیت و قەتەر و بەحرەینن.

لە ئەوروپایش، ئیستۆنیا هاتە پیشەنگ ئابوورییە ئەوروپییەیل لە دەیشت دەوڵەتەیل کەنداو وە ئەنجام 98.5 خاڵ، و لە دۊای ئەویش فینلەندا وە 98.4 خاڵ، لە وەختیگ وڵاتە یەکگرتگەیل لە پلەی نۆهەم جەهانی هات وە 97.9 خاڵ.

راپۆرتەگە رەسیە ئەوەگ ناوەند پیوەر جەهانی رەسیەسە 79 خاڵ، وەرد تومارکردن 59 ئابووری پلەیلیگ کە ها لە ناوەین 90 و 100 خاڵ، لە وەرانوەر 15 ئابووری کە پلەیلیان لە 50 خاڵ کەمترە.

هەرلیوا داتایەیل خاسەوبۊنیگ فراوان لە ئاستەیل پەیوەندی دیجیتاڵی نیشان دان، کە 146 ئابووری لە بنەڕەت 151 ئابووری کە هەردوگ چاپ پیوەرەگە ئەرا ساڵەیل 2023 و 2026 گردنەسەیانەو، بەرزەوبۊن لە پلەیلیان تومار کردن.