شەفەق نیوز/ پێشبینکار کەشناسی عەلی جابر زەیادی، مەزەنە کرد ک لە رووژ شەممە تا کۆتایی هەفتەی ئایندە وڵاتەگە داوەزینیگ لە پلەی گەرمی وەخوەی بوینێد.

زەیادی ئەرا ئاژانس شەفەق نیوز وت: گەرمی وڵاتەگە لە رووژ شەممەو دەسکەێدە داوەزین وەشیوەیگ پلەیی و داوەزین کەمیگ لە پلەی گەرمی، وتیش؛ لە رووژ یەکشەممە تا پەنجشەممە لە هەفتەی ئایندە شایەت وڵاتەگە بکەفێدە ژیر کاریگەری بڕ هەوای گونجیاگ وەگەرد هەوای باکووری خوەرئاوایی لە چەن شوینیگ گەرجەو بوود و گەرمیەگە وەشیوەی وەرچەویگ داوەزنێد.

پێشبینکار کەشناسی مەزەنە کرد ک کەمترین پلەی گەرمی لە باشوور لە شارەیل بەسرە و میسان وە ٤٥ پلەی سەدی تۆمار بکەێد، و نزیکەی ٤٣ پلەی سەدی لە شارەیل موسەنا و فورات ناوڕاس، و لەناونی ٤١ و ٤١ پلەی سەدی لە شارەیل ناوڕاس لە بەغداد و نەجەف و سەڵاحەدین و رەمادی، و لەوانە کەمتر لە ناوچەیل باکوور.

زەیادی وتیش؛ ئەوەیا کەشوهەواگە بوودە شیوەی تاوساتی ئاسایی، وەرووژانە خاسە و شەوانە خوەشە، ک هەس وە کەشوهەوایگ خاستر لە هەفتەی گوزەیشتە کەیمن.