شەفەق نیوز/ هیزەیل ئەمنی عراقی، ئمڕوو شەممە، تەرم پیاییگ نەناسیای پەیا کردن کە لە شوینیگ چووڵ لە قەزای ئەبو غرێب خوەرئاوای بەغداد پایتەخت فڕە دریاس.
سەرچەوەیگ ئەمنی ئەرا ئاژانس شەفەق نیوز وت: تەرمەگە زەخم گولە لە سینەی بویە، وتیش: لێکۆڵینەوەی سەرتایی ئاشکرا کرد کە قوربانیەگە وەرجەیە لە ناوچەی مەنسوور کوشیاس، ئیجا تەرمەگەی لە ئەبو غرێب فڕە دریاس.
سەرچەوەگە وتیش: دەزگایل ئەمنی لێکۆڵینەوە لە رویداوەگە واز کردن، و تەرمەگە ئەرا پزشک دادوەری بریا، ئەرا ئاشکراکردن ناسنامەی.