شەفەق نیوز/ سەرچەوەیگ ئەمنی لە میسان، ئمڕوو دووشەممە، خەوەردا لە کوشیان و زەخمداری پەنج کەس وە رویداو هاتوچو دڵتەزنیگ، و دویەتیگیش لە نەجەف خوەی کوشتیە.
سەرچەوەگە ئەرا ئاژانس شەفەق نیوز وت: دویتەگە لە تەمەن ١٤ ساڵان بویە، وە لەچگ سەر لەناو ماڵەگەی لە گەڕەک موهەندسین ناوڕاس شار نەجەف خوەی هەڵوەسیە.
لەلاییگتر، دەزگا ئەمنیەیل پارێزگای میسان رویداو هاتوچو دڵتەزنیگ لەبان ری عمارە – بەغداد توومار کردن، ک ناوبەین دوو ماشین ساڵۆن بویەسە هووکار کوشیان کەسیگ و زەخمداری ٤ کەس، یەکیگیان زەخمەیلی سەختە.