شەفەق نیوز - بەغداد

دەیان خوەنیشاندەر، ئمڕوو یەکشەممە، یاد هەفتەمین ساڵیاد ناڕەزایەتییەیل تشرین کردن لە مەیدان تەحریر لە ناوڕاس بەغدادی پایتەخت، لە ناو رێکارەیل ئەمنی تون لە ناوچەی باب ئەلشەرقی.

 پەیامنێر ئاژانس شەفەق نیوز راگەیان،  بەشداربویەیل ئاڵایەیل عراقی بەرزەو کردن و دروشمەیلیگ دانەوە لە یادکردن ناڕەزایەتییەیل کە لە ساڵ 2019 دەسوەپیکرد، و یەکیگ لە گەورەترین شەپوولەیل ناڕەزایەتی لە مێژوو عراق نوو بوی.

 فەرماندەیی ئۆپراسیۆنەیل بەغداد راگەیانبوی لە گردنەوەر زنجیرەیگ رێکار ئەمنی و رێکخسن ئەرا مسۆگەرکردن خوەنیشاندانەیل، کە  بەسانن جویلەی ماتووڕسکیلەیل و "تۆکتۆکەیل"، وەگەرد واز مەنن رییەیل و دەروازەیلیگ رەسێد  ئەرا مەیدان تەحریر لە روی ریوارەیل و جویلەی هاتوچو گردەخوەی.