شەفەق نیوز/ دوو سەرچەوەی ئەمنی، ئمڕوو شەممە، خەوەردان لە کوشیان گەنجیگ لەوەر بازیکردن وهەنەکی وە دەوانچە، وکەسیگیش لە بابل لەوەر کەڵەکەبوین قەرزەیلی خوەی کوشتیە.

یەکیگ لە سەرچەوەیل ئەرا ئاژانس شەفەق نیوز وت: دوو گەنچ مەوقەی بازیکردن وە دەوانچە وهەنەکی گولە لەلیکیگیان دەرچگە وئەوەکە کوشتیە، ئەوەیش لە ئاوای سەید لە ناحیەی سەلام، باکوور خوەرهەڵات بەعقوبە، وتیش؛ دەسەڵاتەیل ئەمنی لێکۆڵینەوە لە رویداوەگە واز کردن وهیمان هویردەکاریەیلی نادیارن.

سەرچەوەگە وتیش: قوربانیەگە وەرد برادەرەگەی خەڵک پارێزگای کەربەلا بوینە، هاتنەسە ناحیەگە ئەرا پرسەی یەکیگ لە قوربانیەیل لە سوپا، ک لە پەلامار ناحیەی بوهرز لەلایەن داعش کوشیایە، وتیش؛ رویداوەگە مەوقەی دەرچینیان لە پرسەگە بویە.

هەرلیوا، سەرچەوەیگتر ئەرا ئاژانسمان وت: پیاویگ لە تەمەن ٣٤ ساڵان ئمڕوو لەناو ماڵەگەی لە ناحیەی ئیسکەندەریە لە پارێزگای بابل، خوەی داگە سێدارە و خوەی کوشت، لەوەر کەڵەکەبوین قەرزەیلی، وەگورەی لێکۆڵینەوەی لایەنەیل ئەمنی.