شەفەق نیوز/ ئەندازیار حەیان عەبدولغەنی جیگر سەرۆک وەزیرەیل ئەرا کاروبار وزە، ئمڕوو جمعە، دەسکردن وە دووارە هەناردەکردن نەفت هەرێم کوردستان لەڕی بەندەر جیهان تورکی لە ماوەی ساعەتەیل ئایندە راگەیان.
ئەوەیش لە وتاریگ لە پەراویز سەردانی ئەرا بەندەر خۆر زوبیر هات ئەرا چەودیاریکردن کارەیل بەسانن لویلەی گاز.
عەبدولغەنی وتیش: ئەوەسا لە ماوەی ساعەتەیل ئایندە، عراق دەسکردن وە هەناردەی نەفت هەرێم کوردستان لەڕی کۆمپانیای سۆمۆ لەڕی بەندەر جیهان راگەینێد، وەڕیژەی سەرەتایی 185 هەزار بەرمیل، و کەمکەم بەرزەو بوود تا رەسێدە ئەو وزە کە لە بودجەی فیدڕاڵی گشتی دیاری کریاس.
شەوەکی ئمڕوو، وەزارەت نەفت راگەیان کە عەبدولغەنی سەربەشتی جیوەجیکردن کلکردن لویلەی گاز هشک مەرد لە خۆر زوبیر وەرەو سکر شەتلعەرەب وە درویژیی 40 كم و تیرەی 42 گریە ئەرا گەرەنتی رەسین گاز وەرەو ویستگەیل بەرهەمکردن وزەی کارەبا.