شەفەق نيوز - بەغدا
سەرچەوەیگ دادوەری، ئمڕوو چوارشەممە، خەوەردا دادگای تاوانەیل كەرخ سزای لە سێدارەدان ئەرا توومەتبار (محەمەد عەبدولمەجید خەلەف ئەلتائی) دەرکرد، وە مدوو تاوانباربوین وە کوشتن عەمید (هشام محەمەد تەلاع) و کۆمیسار (خالد عەباس لەفتە)، لەئەنجام ئەوەگ نیشانەیان گردوێد لە وەخت ئەنجامداین ئەرکەگەیان لە ناوچەی دەورە لە باشوور بەغدا.
لە کۆتاییەیل مانگ ئاب/ئۆگست گوزەشتە، هێزیگ ئەمنی و مەفرەزەیل خزمەتگووزاری کەفتنە وەر تەقەکردن راستەوخۆ لە وەخت ئەنجامداین ئەرکیگ ئەرا لاوردن دەستدرویژییەیل نیشتەجێبون لە دەوروبەر دەورە و کرادە و گەڕەک دیجلە لە باشوور بەغدا.
پەلامارەگە بویە مدوو کوشیان عەمید هشام محەمەد تەلاع، وەڕێوەبەر بەش ئاسایش ئەمانەت لە لای کەرخ، و کۆمیسار خالد عەباس لەفتە، و زەخمداربوین چوار کەس ترەک، لەناویان ئەندام ئەمنی و فەرمانبەریگ لە ئەمانەت بەغدا، وەرجە ئەوەگ هێزە ئەمنییەگان دەسگیرکردن توومەتبار کوشتنەگە دویاى دوو رووژ لە رویداوەگە رابگەینن..