شەفەق نیوز/ دادگای تاوانەیل بابل، ئمڕوو سێشەممە، سزای لە سێدارەداین ئەرا دوو کەس کە تاوان کوشتن وەرپرسیگ یاسایی ئەنجامدانە دەرکرد لە حلە.
ناوەن راگەیان ئەنجومەن دادگای باڵا لە بەیاننامەیگ رەسیە ئاژانس شەفەق نیوز وت، " زیندانیەیل (پیاو و ژنەگەی) قوربانیە ئەرا ماڵ خوەیان چڕینەسێ و کوشتنەسێ پویل و ئەو تەڵایەیل گردنە کە وەپی بویە وەگەرد ماشینەگەی".
وتیش "سزاگە وەپشت بەسین وە بڕگەیل مادەی 406 /1/ج لەیاسای سزاداین مادەیل 47 و48 و49 دەرچگە".