شەفەق نیوز/ سەرچەوەیگ ئەمنی لە نەینەوا، ئمڕوو پەنجشەممە، خەوەردا پۆلیس دەریاوانی تەرم دوو گەنج خنکیاگ لەناو گوڵەمیگ دراوردنە لە باکوور موسڵ.
سەرچەوەگە وە ئاژانس شەفەق نیوز وت "پۆلیس دەریاوانی وە فەرمان عەقید دەریاوان فەیسەڵ جحێشی توەنستیە تەرم دوو گەنج درارن کە مەوقەی مەلەکردن لەناو گوڵەمەگە خنکیانە لە ناوچەی شەلالات باکوور موسڵ".
سەرچەوەگە ئاشکەرایکرد "دوو گەنجەگە لەناو ئاویگ خەڕگین مەلەکردنە تەرمەیلیان ئەرا فەرمانگەی پزیشک دادوەری موسڵ کلکریا ئەرا تەواوکردن رێکارەیل یاسایی، بنکەی پۆلیس نزیک رویداوەگە خەوەردارکریانە ئەرا وازکردن لێکۆڵینەوە لە باوەتەگە".