شەفەق نیوز ــ بەغدا
فەرماندەیی ئۆپراسیۆنەیل بەغدا،ئمڕوو پەنجشەممە، دەسگردن وەبان ماشین گومان لێکریاگ کە "خەزینەیگ شاریاگ" لەناوی بوی وەرد چەک و ناسنامەیل ساختە و دەسگیرکردن خاوەنەگەی راگەیان.
فەرماندەیەگە لە بەیاننامەیگ رەسیە ئاژانس شەفەق نیوز راگەیان، "هێزە ئەمنیەیل توومەتباریگ دەسگیرکردنە کە ماشینیگ جویر(تاهۆ) رانییە شمارەی تابلۆی ماشینەگەی ئاڵشتکردیە و شاردیەسەوەی وە ئامێریگ کۆنترۆلکردن لەناوەو، وەجویریگ لە وەخت ئەنجامداین تاوان یا سەرپیچی نیەتوەنرێد وەدویاچگن ئەرای بکرێد".
وتیش "مەوقەی وشکنینی خەزینەیگ وە شمارەی نهێنی لەناوی پەیاکریا کە چەک و ناسنامەیل ساختە و ئەمار چەک لەناوی بویە" دووپاتکرد "توومەتبار دەسوەسەرکریا ئەرا لێکۆڵینەوە".