سەرچەوەگە وە ئاژانس شەفەق نیوز راگەیان، "هێزە ئەمنیەیل تەرم گەنجیگ سی ساڵان کوشیاگ وە گولە پەیاکردن کە لەناو قەورسان وادی سەلام لە شار نەجەف فرە دریاگە".

وتیش، "تەرمەگە ئەرا فەرمانگەی پزیشک دادوەری کلکریاگە ئەرا تەواوکردن رێکارەیل یاسایی ئەرای و لێکۆڵینەوە لە چۆنیەتی رویداوەگە وازکریا".

لە کەرکوک، سەرچەوەیگ ناوخوەیی وە ئاژانس شەفەق نیوز خەوەردا، "کشاوەرزیگ وەناو رەمەزان ئیبراهیم وادی لە ئاوای ئەلبو سەراج لەقەزای داقوق، لەناو بوسانەگەی کارکردیە و دەسکاری وایر کارەبای ماڵەگە کردیە تویش زەخمدار هاتیە و وەی هووکارە ئەرا خەسخانەی فێرکاری ئازادی کلکریایە".

سەرچەوەگە وت "کشاوەرزەگە لە خەسخانە مردیە لەوەر تونی کارەبا گردنەگە و و تەرمەگەی ئەرا پزیشک دادوەری کلکریا و دویای رادەس کەسوکاری کریا ئەرا لە خاک ناشتنی".

لە دیالە،دوو خوەنەوار تویش زەخمداری هاتن وە وەخوارکەفتن ئانکەی قەێ قەواسە لەناو مەکتەویگ لە قەزای بەلەدروز لە خوەرهەڵات دیالە.

عماد محەمەد باوگ یەکیگ لە خوەنەوارە زەخمدارەیل وە ئاژانس شەفەق نیوز وت، "کوڕەگەم مورتەزا وەرد هاوڕێیەگەی  ئمڕوو شەوەی، تویش زەخمداری بووینە لە ئەنجام وە وەخوارکەفتن پەنکەی قەێ قەواسە وەبانیان وەبی ئەوەی هووکار بزان وەشیوەی لەناوکاو لە دویا ناوەندی دار ئەلنەدوە لە ناوچەی دور مەندەلی سەر وە قەزای بەلەدروز خوەرهەڵات دیالە".

وتیش"دەسەی پەروەردەیی دەسوەجی رەسینە و زەخمدارەیلە ئەرا خەسخانە کلکردنە و ئیرنگە بارودۆخیان جیگیرە" هەوەجە کەێد ئەرا پاراستن گیان خوەنەوار مەکتەوەگە نوێژەن بکرێد".